Onlayn repetitor qanday tanlanadi: 7 ta savol

Telegram kanallarida «ingliz tili repetitori kerak» deb yozsangiz, bir soatda oʻnlab taklif keladi. Muammo tanlovda emas, kimga ishonishda. Quyida onlayn repetitor tanlashdan oldin oʻzingizga berishingiz kerak boʻlgan 7 ta savol — har biriga javob topsangiz, pulni ham, vaqtni ham bekor sarflamaysiz.

1. Bu odam haqiqatan kim?

Onlayn muhitda ism va rasm yetarli emas. Repetitor hujjati bilan tasdiqlanganmi, diplom yoki sertifikati bormi, qaysi darajada dars beradi — shularni soʻrang. Repeto’da har bir mentor roʻyxatdan oʻtishda hujjat va surat yuboradi, tekshiruvdan oʻtganlargina katalogda chiqadi.

2. Maqsadingizga mos darajada dars beradimi?

IELTS 7.0 ga tayyorlanish bilan boshlangʻich grammatika boshqa-boshqa ish. Mentor kartasida daraja (Beginner, Intermediate, IELTS, CEFR B2…) yozilgan boʻlsin. Oʻzingizning hozirgi darajangizni bilmasangiz, birinchi darsda aniqlab berishini soʻrang.

3. Dars qaysi tilda oʻtadi?

Bu koʻp eʼtibordan chetda qoladi. Ingliz tilini faqat ingliz tilida tushuntiradigan mentor boshlovchiga ogʻir; rus tilida tushuntiradigan mentor oʻzbek tilli oʻquvchiga noqulay. Kartada dars tili koʻrsatilgan boʻlsin: oʻzbek, rus yoki ingliz.

4. Narx nimaga toʻlanadi: darsga yoki oyga?

Ikki format bor. Alohida dars — bitta mavzu, 1–3 dars, har dars uchun toʻlov. Kurs — 4–5 oy, haftasiga 2–3 dars, oyiga bir marta toʻlov. Bitta mavzuni tushunmagan boʻlsangiz, alohida dars arzon va tez. Darajani koʻtarish kerak boʻlsa, kurs qulay: jadval bor, uy vazifasi bor, davomat yuritiladi.

5. Dars qayerda oʻtadi?

Zoom havolasini har safar soʻrab olish, Telegram guruhidagi fayllar orasidan uy vazifasini qidirish — bu vaqtni yeydi. Platforma ichida dars oʻtadigan mentorni tanlang: bitta «Darsga kirish» tugmasi, doskadagi kitob, uy vazifasi bir joyda. Repeto’da dars oʻz video xonasida oʻtadi, eslatma Telegram botga keladi.

6. Natija qanday oʻlchanadi?

Yaxshi mentor «yaxshi oʻqiyapsiz» demaydi, ball koʻrsatadi: uy vazifasi necha foiz toʻgʻri, qaysi mavzuda xato koʻp. Interaktiv mashqlar (test, boʻsh joy, moslashtirish, gapirish) avtomatik tekshirilsa, har darsdan keyin raqam koʻrasiz.

7. Toʻxtatish qanchalik oson?

Oldindan 3 oyga toʻlab qoʻyish xavfli. Oylik toʻlov va istalgan payt chiqish imkoni boʻlsin. Birinchi 2 hafta sinov deb qarang: jadvalga rioya qilinyaptimi, uy vazifasi tekshirilyaptimi, savolga javob keladimi.

Xulosa

Tasdiqlangan, darajasi va dars tili aniq, narxi ochiq, darsi bitta joyda oʻtadigan mentor — mana shu toʻrttasi boʻlsa, qolgani oʻquvchining oʻziga bogʻliq. Repeto katalogida mentorlar aynan shu belgilar bilan koʻrsatiladi.