Repetitor uchun: davomat, toʻlov va uy vazifasini bitta joyda yuritish

Oʻzbekistonda yakka repetitorning odatiy ish kuni: Telegram guruhida darsni eʼlon qilish, Zoom havolasini yuborish, dars oxirida «vazifa: 12-bet, 3-mashq» deb yozish, oy oxirida kim toʻlagan, kim toʻlamaganini eslab qolishga urinish. 3 ta guruh boʻlsa, bu ish haftasiga 5–6 soat oladi. Quyida uni 1 soatga tushirish yoʻli.

Davomat oʻzi belgilansin

Davomatni qoʻlda yuritish — eng koʻp unutiladigan ish. Dars platformaning oʻz video xonasida oʻtsa, xonaga kirgan oʻquvchi avtomatik «Keldi» boʻladi, kech kirgan «Kechikdi», kirmagan «Kelmadi». Mentor faqat kerak boʻlsa tuzatadi. Oy oxirida ota-onaga «12 darsdan 10 tasiga keldi» deb aniq aytasiz.

Toʻlovlar daftari

Har guruhda oylik narx bor. Platforma har oy boshida har oʻquvchiga hisob yozadi, oʻquvchi pul berganda «+ Toʻlov» bosiladi. Qarzdorlar roʻyxati oʻzi chiqadi, eslatma botga ketadi. Excel’dagi jadval yoʻqolmaydi, chunki jadval yoʻq.

Uy vazifasi darsdan keyin, botda

Dars tugagach bot soʻraydi: «Vazifa berasizmi?». Matn, rasm yoki fayl, muddat — va vazifa oʻquvchilarga ketadi. Oʻquvchi javobni saytda topshiradi, mentor baholaydi. Interaktiv mashqlar (test, boʻsh joy, moslashtirish) avtomatik tekshiriladi, mentor faqat natijani koʻradi.

Eslatmalar: mentor emas, bot yozadi

«Bugun dars bormi?» degan savolga javob berishdan charchagan boʻlsangiz: bot dars boshlanishidan 15 va 5 daqiqa oldin har oʻquvchiga shaxsiy «Darsga kirish» tugmasini yuboradi. Jadval bir marta kiritiladi, darslar butun davr uchun oʻzi yaratiladi.

Nimadan boshlash

Repeto’da mentor roʻyxatdan oʻtadi, tasdiqdan oʻtadi, birinchi guruhni ochadi va jadval qoʻyadi. Oʻquvchilar havola orqali qoʻshiladi. Bepul tarifda 10 oʻquvchigacha hamma funksiya ochiq. Batafsil — «Mentorlar uchun» sahifasida.